काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले पार्टीमा संघर्षमा जान होइन, पदका निम्ति प्रतिस्पर्धा हुने गरेको गुनासो गरेका छन् ।

माओवादी निकट योङ कम्युनिस्ट लिग‘ वाइसिएल’ को दोस्रो राष्ट्रिय भेलालाई काठमाडौंमा सम्बोधन गर्दै प्रचण्डले यस्तो बताएका हुन् ।

उनले भने, ‘मैले यो पद किन नपाउने भनेर पदका निम्ति, प्रतिष्ठाका निम्ति, सुविधाका निम्ति प्रतिस्पर्धा हुन्छ । संघर्षका निम्ति प्रतिस्पर्धा कम हुने गरेको छ ।’

समाजवादी क्रान्तिकारी आधार निर्माण गर्न युवाहरु लग्न प्रचण्डले निर्देशन दिए । पार्टीमा ४० वर्ष उमेर कम उमेरका धेरै युवाहरु समेटेको बताए ।