मोरङ । प्रहरी महानिरीक्षक धिरजप्रताप सिंहले अपराधिक घटनाक्रम नियन्त्रण र रोकथामका लागि प्रहरीलाई प्रविधिमैत्री बनाउनु पर्ने बताएका छन् ।

विराटनगरमा बिहीबार प्रदेश १ स्तरीय अपराध अनुसन्धान समीक्षा गोष्ठीमा प्रहरी महानिरीक्षक सिंहले यस्तो बताएका हुन् ।

उनले पछिल्लो समय अधिकांश अपराधमा प्रविधिको प्रयोग हुँदै आएको बताए । प्रविधिको दुरुपयोग गर्दै अपराधिक घटनाक्रम भएसँगै त्यसको रोकथाम तथा नियन्त्रणका लागि प्रहरी प्रविधिमैत्री हुन आवश्यक रहेको उनको भनाई छ ।

कार्यक्रममा प्रहरी महानिरीक्षक सिंहले अपराध अनुसन्धानमा कार्यरत प्रहरी अधिकृतलाई गम्भीर र संवेदनशील भएर कार्यसम्पादन गर्न निर्देशन दिएका छन् ।