काठमाडौं । गृहमन्त्री बालकृष्ण खाँणले नागरिकताविहीनहरुका लागि नागरिकता विधेयक ल्याइएको बताएका छन्।

बिहीबारको प्रतिनिधि सभाको बैठकमा नागरिकता विधेयक २०७९ माथि उठेका प्रश्नको जवाफ दिँदै गृहमन्त्री खाडले यस्तो बताएका हुन्।

उनले भने,’नागरिकता विधेयकबारेमा चर्चापरिचर्चा चलेपनि नागरिकता नपाएका आम नेपालीलाई उपलब्ध गराउन नागरिकता विधेयक २०७९ ल्याइएको हो।’

उनले आमा बाबु नेपाली नागरिक भएपनि तिनका सन्ततीले नागरिकता नपाएको बताए। अंगीकृत र जन्मसिद्धका आधारमा नागरिकता नपाएकालाई नागरिकता उपलब्ध गराउनु सरकारको कर्तव्य रहेको उनको भनाइ छ।