काठमाडौं । सांसद हृदयेश त्रिपाठीले राष्ट्रपति विद्यादेवी भण्डारीले नागरिकता विधेयकका सन्दर्भमा पुर्नविचारका लागि पठाएको सन्देशसहितको पत्रलाई निवन्धको संज्ञा दिएका छन् ।

नागरिकता विधेयक २०७९ माथि छलफलमा भाग लिँदै संसदमा बोल्दै सांसद त्रिपाठीले राष्ट्रपतिले पठाएको सन्देशमा कुन विषय संविधान विपरीत छ भन्ने कुरा उल्लेख नै नभएको र उहाँको सन्देश निवन्धात्मक रहेको टिप्पणी गरेका हुन्।

उनले भने, ‘संविधान अनुसार यो विधेयक यहाँ अमान्य छ भन्ने पाएको भए एक ढंगले छलफल अगाडि बढ्थ्यो होला । त्यो नपाएको हुनाले बढी निबन्ध जस्तो लाग्यो ।’

एमालेतर्फ संकेत गर्दै उनले राष्ट्रिय सहमति गाजरको बाँसुरी मात्र भएको बताए ।