काठमाडौं । नागरिकता विधेयक बारे सर्वदलीय बैठकमा छलफल गर्न नेकपा एमालेले माग गरेको छ ।

आज बसेको कार्यव्यवस्था परामर्श समितिको बैठकमा एमाले सांसद कृष्णभक्त पोखरेलले नागरिकता विधेयकमा सर्वदलीय बैठकमा छलफल गर्न आवश्यक रहेको बताएका हुन् ।

उनले भने, ‘अहिलेको अहिल्यै पारित गरिहालौं भन्नुभन्दा राष्ट्रपतिले नागरिकता विधेयक फिर्ता पठाउनुभएपछि प्रधानमन्त्रीले सर्वदलीय बैठक बोलाउनुपर्छ । सबै दलहरूले साझा धारणा गरेपछि अगाडि बढाउँदा राम्रो हुन्छ ।’

नागरिकता विधेयकमा सबै दलको साझा धारणा बनाउँदा राम्रो हुने भन्दै सर्वदलीय बैठक बोलाउन उनले माग गरे ।