एजेन्सी । कश्मिरको पहलगाममा आइटीबीपी इन्डो तिब्बतन बोर्डर पुलिस को बस दुर्घटनाग्रस्त भएको छ ।

बस साधुपडाव र चन्दनवाडीको बीचको एक ढलानबाट नदीमा खसेको हो ।

बसमा आइटीबीपीका ३७ र जम्मु कश्मिर प्रहरीका दुई जवान सवार रहेका थिए । सात जवानको मृत्यु भइसकेको जानकारी दिएको छ ।

घटनास्थलबाट आएको तस्बिरमा बस पूर्ण रुपमा क्षतीग्रस्त भएको देखिएको छ । बसको ब्रेक फेल भएका कारण दुर्घटना भएको हुनसक्ने आशंका गरिएको छ ।