काठमाडौं । सांसद मायादेवी न्यौपानेले सरकारले जनतालाई केही पनि दिन नसकेको आरोप लाएकी छन् ।

प्रतिनिधिसभा बैठकको शुन्य समयमा बोल्दै सांसद न्यौपानेले सरकारको चर्को आलोचना गरेकी हुन्।

उनले भनिन्, ‘केही पनि दिन नसक्ने सरकारको नाम छैनबहादुर, दिन्नबहादुर र सक्दिनबहादुर राखौँ कि कसो हो ?’

विद्यार्थीलाई पुस्तक दिन नसकेको, किसानलाई मल, बिउ र सिंचाई दिन नसकेको र व्यवसायीलाई कच्चा पदार्थ दिन नसकेको उनको आरोप छ ।