काठमाडौं । चुनावको तयारीबारे छलफल गर्न कांग्रेस कार्यसम्पादन समितिको बैठक जारी छ ।

सभापति एवम् प्रधानमन्त्री शेरबहादुर देउवाले आगामी प्रतिनिधिसभा र प्रदेशसभा सदस्य निर्वाचनको तयारीका विषयमा छलफल गर्न कार्यसम्पादन समितिको बैठक राखेका हुन् ।

अहिले पार्टी केन्द्रीय कार्यालयमा बैठक बसिरहेको पार्टीले बताएको छ ।

बैठकमा निर्वाचनको तयारी, साउन ३० र ३१ गते हुने स्थानीय जनप्रतिनिधिको भेला, भदौमा सन्चालन हुने राष्ट्रिय संगठन सुदृढिकरण अभियान लगायत विषयमा छलफल भइरहेको जनाइएको छ ।