कपिलवस्तु । कपिलवस्तुको मायादेवी गाँउपालिका १ बर्रोहियामा हिजो बेलुकी ट्रक र मोटरसाइकल आपसमा ठोकिँदा एक जनाको मृत्यु भएको छ ।

मृत्यु हुनेमा मोटरसाइकल चालक रुपन्देहीको ओमसतिया गाँउपालिका ३ करुवानीका ४० वर्षीय उमा शंकर यादव रहेका छन् ।

भैरहवा स्थित यु्निभर्सल कलेज अफ मेडिकल साइन्स अस्पतालमा उपचारको क्रममा राती पौने १२ बजे यादवको मृत्यु भएको हो ।

भैरहवाबाट तौलिहवा तर्फ जाँदै गरेको लु १ ख ४५१६ नम्बरको ट्रक र विपरीत दिशाबाट जाँदै गरेको यादवले चलाएको लु ७६ प १४१२ नम्बरको मोटरसाइकल आपसमा ठोकिएका हुन् ।