काठमाडौं । काठमाडौंको रामशाहपथमा रहेको न्याय परिषद सचिवालयमा बिहीबार तोडफोड भएको छ ।

सचिवालयको केही कम्प्युटर र झ्यालको सीसा तोडफोड गरेका सचिवालयका कर्मचारीले बताएका छन् ।

तोडफोड गोरखा घर भएका नुरप्रसाद अधिकारीले गरेको बताइएको छ ।

जिल्ला अदालत ललितपुरले अधिकारीलाई उपस्थित हुन म्याद जारी गरेको थियो । न्याय परिषदका प्रवक्ता मानबहादुर कार्कीका अनुसार अधिकारी आफूलाई म्याद जारी गर्ने न्यायाधीशलाई कारबाहीको माग लिएर परिषदको सचिवालयमा आएका थिए ।

तर परिषदका कर्मचारीले त्यसरी कारबाही गर्न नमिल्ने बताएपछि उनले तोडफोड गरेका हुन् ।