काठमाडौं । सुटिङका क्रममा बलिउड अभिनेत्री शिल्पा शेट्टी घाइते भएकी छन् ।

वेबसिरिज ‘इन्डियन पुलिस फोर्स’ को सुटिङका क्रममा शिल्पाको खुट्टा भाँचिएको हो । शिल्पाले हालै सामाजिक सञ्जालमा तस्बिर राख्दै आफ्नो खुट्टा भाँचिएको जानकारी दिएकी हुन्।

सामाजिक सञ्जालमा फोटो राख्दै उनले लेखेकी छन्,’रोल, क्यामरा र एक्सन भयो र मेरो खुट्टा भाँचियो। अब ६ हप्तासम्म म कुनै एक्सन गर्न पाउँदिनँ। तर जब फेरि फर्केर आउँछु तब पहिलेभन्दा राम्रो भएर आउँछु। तबसम्मका लागि मलाई प्रार्थनामा सम्झिनुहोला ।’

शिल्पाको यो फोटो देखेर धेरै प्रशसंकले दुःख व्यक्त गरेका छन्।