काठमाडौं । निर्वाचन आयोगमा पहिलो दिन ६ वटा राजनीतिक दल दर्ता भएका छन् । मंसिर ४ गते हुने प्रतिनिधि र प्रदेश सभा सदस्‍यको निर्वाचनमा भाग लिन उनीहरुलाई आयोगले दल दर्ताको लागि आह्वान गरेको थियो ।

सोही अनुसार निर्वाचनमा भाग लिन पाऊँ भन्दै विभिन्न ६ वटा राजनीतिक दलहरूले निर्वाचन आयोगमा निवेदन दिएका हुन् ।

आइतबार नेपाल जनमत पार्टी, मौलिक जरोकिलो पार्टी, नेपाल समावेशी पार्टी, हाम्रो नेपाली, पुनर्जागरण र जनता प्रगतिशील पार्टी दर्ताका लागि आयोगको कार्यालयमा निवेदन दिएका हुन् ।

सरकारले आगामी मंसिर ४ गते प्रतिनिधिसभा र प्रदेश सभाको निर्वाचन घोषणा गरेको छ । यसका लागि दल दर्ताको समयावधि साउन ३१ गतेसम्म छुट्याइएको छ ।