काठमाडौं । प्रधानन्यायाधीश चोलेन्द्रशम्शेर जबराविरुद्धको महाभियोग प्रस्ताव महाभियोग सिफारिस समितिमा पठाइएको छ ।

प्रतिनिधिसभाको आइतबारको बैठकको बहुमतले पारित गरेर उक्त प्रस्तावलाई सिफारिस समितिमा पठाएको हो ।

सभामुख अग्निप्रसाद सापकोटाले प्रधानन्यायाधीश चोलेन्द्रशम्शेर जबराविरुद्धको प्रस्तावलाई महाभियोग सिफारिस समितिमा पठाउन सिफारिस गरेका थिए ।

चोलेन्द्रविरुद्धको महाभियोग सिफारिस समितिमा पठाएसँगै प्रतिनिधि सभा बैठक मंगलवारसम्मको लागि स्थगित भएको छ ।

सत्तारुढ गठबन्धनका कांग्रेस, माओवादी केन्द्र र एकीकृत समाजवादीका सांसदहरूले गत फागुन १ गते प्रधानन्यायाधीश जबराविरुद्ध महाभियोग दर्ता गराएका थिए ।महाभियोग दर्ता भएसँगै जबरा निलम्बनमा परेका थिए ।