काठमाडौं । ‘कमेडी हब’ कार्यक्रमका निर्देशक केदार घिमिरे ‘माग्ने बुढा’ ले माफी मागेका छन् ।

कार्यक्रममा हिन्दु धर्मावलम्बीको आस्थाको केन्द्र भगवान महादेवबारे बनाइएको विषयप्रति आफ्नो त्रुटि भएको भन्दै उनले सामाजिक सञ्जाल मार्फत माफी मागेका हुन् ।

सोमवार फेसबुकमार्फत उनले निर्माण टिमको तर्फबाट अन्जानमा गल्ती भएको स्वीकार गरेका छन् ।उनले उक्त सामग्री सबै डिजिटल प्लेटफर्मकहरूबाट हटाइसकिएको पनि जानकारी दिएका छन् ।

उनले लेखेका छन् ‘हामीले सम्पूर्ण दर्शक, शुभचिन्तकहरुको सल्लाह र परामर्शबमोजिम यो विषय वस्तुलाई युट्युब, टिकटक, फेसबुक सबै तिरबाट हटाइसकेका छौँ । बम बम भोले । जय भोले ।’