एजेन्सी । पूर्व श्रीमतीलाई जिउँदै जलाउने एक चिनियाँ पुरुषलाई मृत्युदण्ड दिइएको छ ।

लामू नाम गरेकी ती महिला चीनको टिकटक भर्सन दोउयिनकी चर्चित सोसल मिडिया पर्सनालिटी थिइन् ।

उनका श्रीमान् ताङ लुलाई मृत्युदण्डको सजाय सुनाइँदा सिचुआन प्रान्तको दक्षिण९पश्चिममा रहेको दुर्गम ग्रामीण इलाका आबा प्रान्तको अदालतले उनको अपराधलाई ‘अत्यधिक क्रुर’ र समाजमा यसको प्रभाव असाध्यै नराम्रो भएको बताएको छ ।

सम्बन्धविच्छेद गरेको करिब तीन महिनापछि उनले आफ्नी पूर्व श्रीमतीलाई उनको पिताको घरमा पेट्रोल छर्केर आगो लगाइदिए । उनको शरीरको ९० प्रतिशत जलेको थियो र दुई हप्तापछि उनको निधन भएको थियो ।