सिन्धुपाल्चोक । सिन्धुपाल्चोक मेलम्चीको नाकोते र आसपास भारी वर्षा मापन भएको छ ।बाढी पूर्वानुमान महाशाखाका अनुसार मेलम्ची नदी नाकोतेको बाढीमापन केन्द्रमा जलसतह १.५ मिटरले बढेको हो ।

‘मेलम्चीको तटीय क्षेत्रमा आकस्मिक बाढी हुनुका साथै कमजोर भिरालो जमिनमा पहिरोको जोखिम हुन सक्छ । भोलि बिहानसम्म ‍अति उच्च सतर्कता अपनाऔँ,’ महाशाखाले एसएमएसमार्फत अनुरोध गरेको छ ।

प्रदेश–१, मधेस प्रदेश, वाग्मती प्रदेश, गण्डकी प्रदेश र लुम्बिनी प्रदेशका केही स्थानमा मेघगर्जन र चट्याङसहित हल्कादेखि मध्यम वर्षा भइरहेको छ ।

जल तथा मौसम विज्ञान विभागका अनुसार आज दिउँसो देशभर सामान्यदेखि पूर्ण बदली रहनेछ ।