काठमाडौं । भारतको केरल राज्यमा मंकीपक्स भाइरसको दोस्रो संक्रमित भेटिएका छन् । ५ दिनअघि पनि केरलमा मंकीपक्सको पहिलो बिरामी भेटिएका थिए ।

केरलकी स्वास्थ्यमन्त्री भीना जर्जले कुन्नर जिल्लामा मंकीपक्सको दोस्रो बिरामी भेटिएको बताइन् । अधिकारीहरुले ३१ वर्षीय ती संक्रमितको पारियाराम मेडिकल कलेजमा उपचार भइरहेको बताएका छन् ।

उनी ५ दिनअघि मात्रै दुबईबाट फर्किएको अधिकारीहरुले बताएका छन्। चिकित्सकहरुले संक्रमितको अवस्था सन्तोषजनक रहेको र उनीसँग सम्पर्कमा आएका व्यक्तिहरुमाथि निगरानी भइरहेको बताएका छन् ।

गत साता दुबईबाट फर्केका अर्को व्यक्तिमा पनि मंकीपक्सको संक्रमण पुष्टि भएको थियो ।