काठमाडौं । बुधबार गृहमन्त्री बालकृष्ण खाँणले सदनमा प्रस्तुत गरेको नेपाल नागरिकता (पहिलो संशोधन विधेयक) २०७९ माथि सैद्धान्तिक छलफल सकिएको छ।

सो विधेयकमाथि बिहीबार र शुक्रबार दफावार छलफल भएको थियो। छलफलका क्रममा सांसदहरुले आ-आफ्नो धारणा राखेका थिए।

आज  दफावार छलफल सकिएपछि सभामुख अग्निप्रसाद सापकोटाले विधेयकमाथिको सैद्धान्तिक छलफल सकिएको घोषणा गरेका थिए।

पहिले नै संसदमा टेबुल भइसकेको नागरिकता विधेयक मन्त्रिपरिषद बैठकले फिर्ता लिएर पुन: संसदमा टेबुल भएको थियो।