काठमाडौं ।  संक्रमणकालीन न्यायसम्बन्धी कानुन संशोधन गर्न बनेको विधेयक मन्त्रिपरिषद्ले संसदमा दर्ता गर्ने निर्णय गरेको छ ।

कानुन मन्त्रालयले तयार पारेको मस्यौदामा सत्तारुढ गठबन्धनले सहमति जुटाए लगतै मन्त्रिपरिषदले विधेयक पास गरेको हो ।

विधेयक आज शुक्रबार नै संसदमा दर्ता हुनेछ । मन्त्रिपरिषद्को बैठकले यो ऐन पारित नहुँदासम्मकालागि बाधा अड्काउ फुकाउमार्फत दुबै आयोगका पदाधिकारीको म्याद थपेको छ ।

सत्य निरुपण तथा मेलमिलाप र बेपत्ता पारिएका व्यक्तिको छानबिन आयोगका पदाधिकारीहरुको म्याद भोलिसम्म मात्र छ ।