काठमाडौं । आइसिसी विश्वकप क्रिकेट लिग-२ अन्तर्गत नेपालले स्कटल्यान्डविरुद्ध सानदार जित निकालेको छ ।

बुधबार राति स्कटल्यान्डको ग्लासगोस्थित टिटउड क्रिकेट मैदानमा भएको खेलमा नेपालले पाँच विकेटको जित निकालेको हो ।

नेपालले जितका लागि १४५ रनको लक्ष पाएको थियो । निर्धारित लक्ष्य पछ्याएको नेपालले २५ ओभर एक बलमा १४६ रन बनायो । नेपालले १४९ बल बाँकी छँदै लक्ष्य भेटाएको हो ।

त्यसअघि स्कटल्यान्डले ४२.४ ओभरमा सबै विकेट गुमाएर १४४ रन बनाएको थियो । नेपालले एकदिवसीय खेलमा स्कटल्यान्डलाई हराएको यो पहिलो पटक हो ।