काठमाडौं । चार दिनको औपचारिक भ्रमणमा नेपाल आएका चिनियाँ कम्युनिष्ट पार्टी (सीपीसी) का विदेश विभाग प्रमुख लिउ जियान्चाओले आज राष्ट्रपति विद्यादेवी भण्डारीसँग भेटवार्ता गर्ने भएका छन् ।

बिहान साढे १० बजे शीतल निवासमा उनीहरुबीच भेट्ने कार्यक्रम तय गरिएको छ ।

यसअघि लिउले प्रधानमन्त्री शेरबहादुर देउवा, परराष्ट्रमन्त्री डा. नारायण खड्का, माओवादी केन्द्रका अध्यक्ष पुष्पकमल दाहाल र एमालेका अध्यक्ष केपी शर्मा ओलीसँग भेटेका थिए ।

उनले एकीकृत समाजवादीका अध्यक्ष माधवकुमार नेपाल र सम्मानित नेता झलनाथ खनाललगायतसँग भेटवार्ता गरेका थिए । लिउ आजै बिहान ११ः४५ बजे स्वदेश फर्किने छन् ।