जनकपुरधाम । धनुषामा एक जना मिटरब्याजी पक्राउ परेका छन् । जिल्लाको जनकपुरधामबाट धनुषाधाम नगरपालिका ५ का ४१ वर्षीय सुरेश यादव पक्राउ परेका हुन् ।

जिल्ला प्रहरी कार्यालय धनुषाका अनुसार यादवले स्थानीय शिवशंकर साहलगायत विभिन्न व्यक्तिहरूलाई रकमको तेब्बर, चौबर, पाँच गुणा बढी कपाली तमसुक बनाइ सोवापत जग्गा जमिन पनि पास गराइ ऋण दिने गरेका थिए ।

यादवले साँवा ब्याजलगायतको रकम लिएपश्चात पनि जग्गा र कपाली तमसुक फिर्ता नगरी ब्याजको ब्याज लिएर ठगी गरेर फरार भएका थिए ।

उनलाई आइतबार साँझ जनकपुरधाम उपमहानगरपालिका– ४ बाट नियन्त्रणमा लिइएको बताइएको छ । उनीमाथि थप अनुसन्धान भइरहेको प्रहरीले जनाएको छ ।