काठमाडौं । प्रमुख प्रतिपक्षी दल नेकपा एमालेले महान्यायाधिवक्ता खम्बबहादुर खातीको राजीनामा माग गरेको छ ।

प्रतिनिधिसभा बैठकमा बौल्दै एमाले प्रमुख सचेतक विशाल भट्टराईले स्थानीय तहको निर्वाचनमा अमार्यदित क्रियाकलाप गरेको भन्दै खातीको राजीनामा मागेका हुन् ।

गत ३० वैशाखको स्थानीय तहको निर्वाचन क्रममा दैलेख, बुढीगंगा पुगेका महान्यायाधिवक्ता खातीले अमर्यादित क्रियाकलाप गरेकाले खातिले राजीनामा दिनुपर्ने भट्टराईले बताए ।

दोषी किटान भइसक्दा पनि महान्यायाधिवक्ता खातीले नैतिकताको आधारमा राजीनामा नदिएको भन्दै उनले आश्चर्यसमेत व्यक्त गरेका छन् ।