काठमाडौं । नेकपा एमाले प्रचार विभाग उपप्रमुख विष्णु रिजालले राजनीतिमा परिवारवादको मोहका कारण नेपालका सत्तारुढ दलका नेताहरूले देशलाई श्रीलंकाको बाटोमा डोर्‍याइरहेको आरोप लगाएका छन् ।

रिजालले सामाजिक सञ्जालमा नातावाद, कृपावाद र परिवारवादले नेपाललाई श्रीलंका बनाउने देखिएको उल्लेख गरेका छन् ।

नेपालमा पनि केही पार्टीका नेताहरूमा देखिएको परिवारवादको मोहले तिनीहरुलाई पनि श्रीलंकाकै नियतिबाहेक अन्यत्र लैजाने ठाउँ छैन ।

नातावाद, कृपावाद र परिवारवादले अन्ततः श्रीलंका बनाउने हो, उनले सामाजिक सञ्जालमा लेखेका छन् ।