काठमाडौं । सरकारले नागरिकता सम्बन्धी विधेयक संसदमा दर्ता गर्ने निर्णय गरेको छ ।

शुक्रबार साँझ बसेको मन्त्रिपरिषद् बैठकले नागरिकता विधेयक संसदमा पेश गर्ने निर्णय गरेको हो ।

आजमात्रै संसदमा विचाराधीन रहेको नागरिकता ऐन संशोधन विधेयक सरकारले फिर्ता लिएको थियो ।

गृहमन्त्री बालकृष्ण खाँणले मन्त्रिपरिषद्को निर्णयअनुसार उक्त विधेयक फिर्ता लिन प्रस्ताव गरेका थिए ।

प्रमुख प्रतिपक्षी नेकपा एमालेका सांसदहरुले त्यसको विरोध गरेका थिए । उनीहरुले हालकै विधेयक पारित हुनुपर्ने बताएका थिए।