बाजुरा । बाजुरा जिल्लाको बुढीगंगा नगरपालिकामा हिजो भएको निर्वाचनको मतगणना शुक्रबार मध्यान्ह १२ बजेदेखि सुरू भएको छ ।

मतगणना भानोदय नमुना माध्यमिक विद्यालयमा सुरु भएको हो । बिहान ८ बजेदेखि नै मतगणना सुरु गर्ने भनिए पनि ४ घण्टा पछि मतगणना सुरु भएको निर्वाचन कार्यालय बाजुराले जनाएको छ ।

मतगणना वडा नम्बर १ र १० बाट सुरू गरिएको छ । झण्डै १३ हजार मतदाता रहेको बुढीगंगामा ९ हजार १२८ मत खसेको थियो।

बुढीगंगामा गएको वैशाख ३० गते नै पालिका चुनाव भए पनि बुथ कब्जा भएको भन्दै विरोध भएपछि निर्वाचन आयोगले हिजो पुन :चुनाव गरेको हो ।