काठमाडौं । स्थानीय तह चुनावमा अन्तर्घात गर्नेलाई कारवाही गर्न नेकपा माओवादी केन्द्रले कमिटी गठन गर्ने भएको छ ।

केन्द्रीय समिति बैठकबाट अनुशासन आयोगका अध्यक्ष टंक राईको संयोजकत्वमा समिति बनाएर अन्तर्घात गर्नेलाई कारवाही गर्ने तयारी गरेको हो ।

गत वैशाख ३० गते भएको स्थानीय चुनावमा अन्तर्घात गरेर पार्टीका उम्मेदवारलाई हराउन नेतालाई कारवाही गर्न कमिटी बनाएको माओवादीस्ले जनाएको छ । छानविन गर्न टंकको नेतृत्वमा ५ सदस्य कमिटी बनाउने र कमिटीले १५ दिन लगाएर छानविन गरेर रिपोर्ट बुझाउने छ ।

माओवादी केन्द्रका अध्यक्ष पुष्पकमल दाहाल ‘प्रचण्ड’ले केन्द्रीय समितिमा पेश भएको प्रतिवेदनमा कतिपय स्थानीय तहमा पार्टीभित्रको गुटबन्दी, असहयोग एव अन्तर्घातसम्मका गम्भीर कमजोरी र घटनाहरू देखा परेको औंल्याएका थिए ।