काठमाडौं । बजेट निर्माणका विषयमा विवादित बनेका अर्थमन्त्री जनार्दन शर्माबारे छानबिन गर्न प्रधानमन्त्री शेरबहादुर देउवाले संसदीय समिति बनाउने गृहकार्य थालेका छन् ।

बजेट निर्माणको प्रक्रियामा अनधिकृत व्यक्तिलाई प्रवेश गराएर करका दर परिवर्तन गरेको आरोप लाग्दै आएका मन्त्री शर्मामाथि छानबिन हुनुपर्ने अवाज उठेपछि प्रधानमन्त्री देउवाले समिती गठन गर्ने तयारी गरेका हुन् ।

यस विषयमा प्रधानमन्त्री शेरबहादुर देउवाले अर्थमन्त्री शर्मासहित माओवादी अध्यक्ष पुष्पकमल दाहालसँग छलफल गरेका थिए ।

उक्त छलफलमा प्रधानमन्त्री देउवाले शर्मालाई राजीनामा दिन आग्रह गरेका थिए । तर, शर्माले सो प्रस्ताव अस्वीकार गरेको जनाइएको छ ।