सर्लाही । प्रहरीले कटुवा पेस्तोलसहित सर्लाहीबाट एक जनालाई पक्राउ गरेको छ । पक्राउ पर्नेमा जिल्लाको हरिवन नगरपालिका वडा नम्वर ११ बस्ने ४३ वर्षीय छोटेलाल दास रहेकोे सर्लाहीका प्रहरी प्रवक्त मधव प्रसाद बुढाथोकिले जानकारी दिए ।

प्रहरीका अनुसार सर्लाहीको हरिवन नगरपालिका वडा नम्वर ११ मा उनले सुनिता किराना पसल सञ्चालन गरेका छन् । बिशेष सुराकिका आधारमा प्लास्टिकको झोलामा लुकाई राखिएको अवस्थामा १ थान कटुवा पेस्तोल र सोमा प्रयोग हुने १ राउण्ड गोली सहित मंगलबार पक्राउ गरिएको प्रहरीले जनाएको छ ।

घटनाको बारेमा थप अनुसंधान भईरहेको पनि सर्लाही प्रहरीले जनाएको छ ।