काठमाडौं । सर्वोच्च अदालतले बलात्कार संम्बन्धी मुद्धामा सहन्यायाधिवक्ता संगीता थोकरलाई गरिएको सरुवाको विषयमा कारण पेश गर्न महान्यायाधीवक्ता कार्यालयको नाममा आदेश जारी गरेको छ ।

बलात्कारको मुद्दा कमजोर बनाउन नमानेको भन्दै महान्यायाधिवक्ता कार्यालयले आफूलाई सरूवा गरेको आरोप लगाउँदै सरकारी वकिलको कार्यालय ललितपुरमा कार्यरत संगीता थोकर सर्वेाच्च अदालतको शरणमा पुगेकी थिइन ।

थोकरलाई जिल्ला अदालत ललितपुरबाट वागमती प्रदेश सरकारको मुख्य न्यायाधिवक्ता कार्यालय हेटौंडामा सरुवा गरिएको थियो ।

बलात्कार मुद्दा दायर गर्ने क्रममा महान्यायाधिवक्ता कार्यालयले दबाव दिएको भन्ने थोकरको आरोपमाथि  छानबिन समिति समेत गठन गरिएको छ ।