काठमाडौं । सालीलाई बलात्कार गरेको आरोपमा प्रहरीले एकजनालाई पक्राउ गरेको छ ।

मकवानपुर घर भएका साजन प्रजालाई जिल्ला प्रहरी परिसर काठमाडौको टोलीले कीर्तिपुर नगरपालिका–६ बाट प्रकाउ गरेको हो ।

कीर्तिपुर स्थित पाँगामा भिनाजुसँगै बस्दै आएकी नाबालिगलाई उनले यसअघि पनि पटक पटक बलात्कार गरेको प्रहरीको अनुसन्धानबाट खुलेको छ ।

आरोपीलाई शुक्रवार पक्राउ गरेर अनुसन्धान सुरु गरिएको जिल्ला प्रहरी परिसर काठमाडौँले जनाएको छ ।