धादिङ । पृथ्वी राजमार्ग अन्तर्गत धादिङको गल्छी गाउँपालिका–६ मा बस दुर्घटना भएको छ ।

काठमाडौंबाट रौतहट जाँदै गरेको प्रदेश ३–०१–००५ ख ९७२९ नम्बरको बस आज बिहान करिब २ बजेतिर दुर्घटना भएको हो ।

दुर्घटनामा ३१ जना घाइते भएका छन् । दुर्घटनामा घाइते भएकाहरुमध्ये सात जनालाई काठमाडौंको ट्रमा सेन्टरमा ल्याइएको इलाका प्रहरी कार्यालय गजुरीले जनाएको छ ।

अन्यको गल्छी र आदमघाट अस्पतालमा उपचार भइरहेको छ । बस सडकमै पल्टिएको छ ।