काठमाडौं । दुई दिनदेखि निरन्तरको वर्षाका कारण देशभरका सरकारी वेबसाइटहरु आधा घण्टा बन्द भएका छन् ।

काठमाडौंमा पानी पर्दा विजुली आउने र जाने भएका कारण आधा घण्टा देशभरका सरकारी वेबसाइटहरु डाउन हुन पुगेको राष्ट्रिय सूचना प्रविधि केन्द्रले जनाएको छ ।

निर्देशक पोखरेलले सरकारी वेबसाइटको ब्‍याकअप सिष्टम हेटौंडामा राखिएकोले तत्कालै रिकभर गर्न नसकेपछि आधा घण्टापछि पुनस् देशभर सरकारी वेबसाइटहरु सुचारु भएको बताए ।

राष्ट्रिय सूचना प्रविधि केन्द्रमा देशभरका करिब ३ हजार ५७ वटा सरकारी कार्यालयका वेबसाइट डिएनएसमा दर्ता भएका छन् भने १ हजार ३४५ बढी वेबसाइटहरु सी प्यानलमा होस्ट गरिएका छन् ।