Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । जनता समाजवादी पार्टी (जसपा) ले पनि सरकारमा रहेका सबै मन्त्री फिर्ता बोलाउने निर्णय गरेको छ । सोमबार साँझ बसेको जसपाका अध्यक्ष उपेन्द्र यादव समूहको बैठकले सबै मन्त्रीलाई फिर्ता बोलाउने निर्णय गरेको हो ।
उनीहरुको ठाउँमा अरु सांसदलाई सरकारमा पठाइने भएको छ । बैठकमा सहभागी नेता मृगेन्द्र कुमार सिंह यादवले मन्त्री फेर्ने निर्णय पहिलाकै भएको र हिजो कार्यान्वयनको विषय उठाइएको जानकारी दिए ।
बैठकले मन्त्री फेर्ने र नयाँ मन्त्री छान्ने जिम्मा अध्यक्ष उपेन्द्र यादवलाई दिएको छ । यस्तै बैठकले पार्टीका संघीय परिषद् अध्यक्ष डा. बाबुराम भट्टराई, कृषिमन्त्री रहेका महिन्द्र राय यादवलगायत केही नेतालाई कारबाहीको निर्णय गरेको छ ।
पछिल्लो समय जसपाका बाबुराम र उपेन्द्र गरी दुई गुटमा विभाजित भएको छ। जसपाबाट संघीय मामिला तथा सामान्य प्रशासन मन्त्री राजेन्द्रप्रसाद श्रेष्ठ, वन मन्त्री रामसहायप्रसाद यादव, कृषि तथा पशुपन्छी विकास मन्त्रालय मन्त्री महिन्द्रराय यादव र भौतिक पूर्वाधार तथा यातायात मन्त्री रेणुकुमारी यादव सरकारमा सहभागी रहेका छन्।
© 2026 All right reserved to onlinenepal.com
Design & Developed By
