एजेन्सी । नर्वेको राजधानी ओस्लोको एक नाइट क्लबमा गोली चलेको छ ।

गोलीकाण्डमा दुई जनाको मृत्यु भएको छ भने १० जना घाइते भएको नर्वे प्रहरीले जनाएको छ ।

सार्वजनिक प्रसारक एनआरके र अन्य स्थानीय सञ्चार माध्यमले गोलाबारी एउटा लोकप्रिय समलैंगिक बार लन्डन पबमा भएको जनाएका छन् ।

प्रहरीले संदिग्धलाई पक्राउ गरेको छ । आक्रमणको उद्देश्य के थियो भन्ने तत्काल खुल्न नसकेको प्रहरीले जनाएको छ । गोली लागेर तीन जना गम्भीर घाइते भएका छन् ।