काठमाडौं । संस्कृति पर्यटन तथा नागरिक उड्डयन मन्त्री प्रेम आलेले मन्त्री हेरफेरसम्बन्धी पार्टीको निर्णय १२ घण्टाभित्र कार्यान्वयन गर्न आफूले भूमिका खेल्ने बताएका छन् ।

नेकपा एसको पोलिटब्यूरो बैठकमा बोल्दै मन्त्री आलेले पार्टीको निर्णय मान्न आफू बाधक नभएको प्रष्टीकरण दिएका हुन् ।

आलेको भनाइ उदृत गर्दै एक सदस्यले भने, ‘म पार्टीको निर्णय मान्न तयार छु । मैले पहिले नै भनेको हुँ ।

अब १२ घण्टाभित्र यो निर्णय कार्यान्वयन गर्नका लागि मेरो भूमिका हुन्छ, म पार्टीको पद्दति मान्छु ।’