कैलाली । सुदूरपश्चिममा थप ९ जनामा कोरोना भाइरस संक्रमण पुष्टि भएको छ ।

पछिल्लो २४ घण्टामा ३०७ जनाको एन्टिजेन र २१ जनाको पीसीआर परीक्षण गर्दा थप ९ जनामा संक्रमण पुष्टि भएको स्वास्थ्य निर्देशनालय दीपायलले जनाएको छ ।

निर्देशनालयका अनुसार धनगढीस्थित सेती प्रादेशिक अस्पतालमा २१ जनाको नमूना परीक्षण गर्दा ६ जना र कैलाली–कञ्चनपुरमा ३०७ जनाको एन्टिजेन परीक्षण गर्दा ३ जनामा संक्रमण पुष्टि भएको हो । हाल प्रदेशमा १९ जना सक्रिय संक्रमित रहेका छन् ।

उनीहरुमध्ये १ जनाको मात्रै अस्पतालमा उपचार भइरहेको छ भने अन्य सबै होम आइसोलेसनमा रहेका छन् । पछिल्लो केही दिनयता सुदूरपश्चिममा कोरोना भाइरस संक्रमितहरु फेला पर्न थालेका छन् ।