काठमाडौं । पछिल्लो २४ घन्टामा देशभर ४९ जना कोभिड १९ का संक्रमित भेटिएका छन्।

स्वास्थ्य तथा जनसंख्या मन्त्रालयको विवरणअनुसार २ हजार ४९४ जनामा गरिएको परीक्षणमा ४९ जना संक्रमित भेटिएका हुन्।

आज १२ जना संक्रमित संक्रमणमुक्त भएका छन्। हाल देशभर १ हजार ६३ जना सक्रिय संक्रमित रहेका छन्।

मन्त्रालयको विवरणअनुसार हालसम्म नेपालमा ९७ प्रतिशत जनसंख्याले कोभिडविरुद्धको पहिलो मात्रा खोप लगाएका छन् भने ८६ प्रतिशतले पूर्ण मात्रा खोप लगाएका छन्।