काठमाडौं । काठमाडौंमा धारा र ट्युवबेलको पानीबाट हैजा संक्रमण भएको पुष्टि भएको छ ।

आइतबार हैजा संक्रमण पुष्टि भएका बागबजारका दुई महिलामा पानीबाट हैजा संक्रमण भएको पुष्टि भएको हो ।

काठमाडौंको बागबजारबाट उनीहरूले पिउने पानीको नमुना परीक्षण गर्दा ‘फिकल इकोली’नामक जीवाणु भेटिएको स्वास्थ्य कार्यालय काठमाडौंका प्रमुख वसन्त अधिकारीले जानकारी दिए ।

फिकल इकोली मानिसको दिसामा रहने संक्रामक जिवाणु हो । अधिकारीकाअनुसार उनीहरूले धारा र ट्युवबेलबाट आएको पानी संकलन गरेर राख्ने गरेको र नउमालि पिउने गरेको पाइएको छ ।

आइतबार हैजा संक्रमण पुष्टि भएका उनीहरू एकै परिवारका दिदीबहिनी हुन् ।