काठमाडौं । रुपन्देहीको भैरहवामा स्विमिङ पुलमा डुबेर एक युवकको मृत्यु भएको छ ।

होटल पौवाद्वारामा सञ्चालित स्विमिङ पुलमा डुबेर सिद्धार्थनगर नगरपालिका ६ बस्ने २७ वर्षीय सुमित तुलाधरको मृत्यु भएको हो ।

जिल्ला प्रहरी कार्यालय रुपन्देहीका अनुसार शुक्रबार साथीहरुसँग पौडी खेल्न होटल पौवा पुगेका तुलाधर सवा ५ बजेतिर स्विमिङ्ग पुलमा डुबेका थिए ।

उनलाई उद्धार गरी अस्पताल लगिए पनि उपचारको क्रममा उनको मृत्यु भएको प्रहरीले जनाएको छ ।