बझाङ । बझाङमा बालिका बलात्कारको आरोपमा तीन बालक पक्राउ परेका छन् ।

बुङ्गल नगरपालिका वडा नम्बर १ की १२ वर्षीय बालिकालाई बलात्कार गरेको आरोपमा सोही ठाँउका ३ जना बालकलाई प्रहरीले पक्राउ गरेको हो ।

बालिकाका आफन्तले दिएको जाहेरीका आधारमा प्रहरीले सोही ठाँउका १४ १५ र १६ वर्षीय बालकलाई पक्राउ गरेको जिल्ला प्रहरी कार्यालय बझाङले जनाएको छ ।

जेठको दोस्रो साता बालिकाका आमाबुबा रोपाइमा गएको बेला तीनै जनाले सामुहिक बलात्कार गरेको पीडित पक्षको आरोप छ । उनीहरु माथि थप अनुसन्धान भइरहेको प्रहरीले जनाएको छ ।