काठमाडौं । प्रधानसेनापति प्रभुराम शर्माले अमेरिकाको स्टेट पार्टनरसिप प्रोग्राम (एसपीपी) सम्बन्धी सम्झौता सेनालाई मान्य नभएको बताएका छन् ।

प्रतिनिधिसभाको अन्तर्राष्ट्रिय सम्बन्ध समिति बैठकमा शुक्रबार प्रधानसेनापति शर्माले एसपीपी नआएको र आए पनि मान्य नहुने बताए ।

‘एसपीपी कुनै हालतमा हाम्रो काम छैन । एसपीपी हाम्रो लागि मान्य छैन,’ प्रधानसेनापति शर्माले भने । बाहिर डकुमेन्ट सार्वजनिक भएपछि क्रिया र प्रतिक्रिया आउनु स्वाभाविक भए पनि अब त्यसमा बिराम लगाउनु पर्ने बताए ।

सुरुमा मानवीय सहयोगका लागि कुरा आएकोले पत्राचार भएको उनको भनाइ थियो । यस्तै ‘एसपीपीको डकुमेन्ट सही होइन। नेपाली जनतालाई भ्रम पार्न खोजियो। १० बुँदे डकुमेन्ट सही होइन,’ उनले भने ।

उनले कुनै सैन्य गठबनधनमा जानका लागि एसपीपी प्रोगाममा भाग नदिएको दाबी गरेका छन्।