एजेन्सी। रुसले युक्रेनमा आक्रमण गरेको १०० दिनभन्दा बढी भइसकेको छ । यस अवधिमा अमेरिका र बेलायतलगायत अधिकांश युरोपेली देशहरूले युक्रेनप्रति आफ्नो सहानुभुती राख्दै सहयोगको प्रतिबद्धता कायम राखेका छन्।

तर, चीनले सुरुदेखि नै शान्तिपूर्ण समाधानको पक्षमा रहेको भन्दै आएको छ । चीनले यस सम्बन्धमा आफ्नो भूमिका तटस्थ राखेको छ।

यसैबीच, जुन १५ मा चिनियाँ राष्ट्रपति सी जिनपिङ र रुसी राष्ट्रपति भ्लादिमिर पुटिनबीच फोनमा कुराकानी भएको एएफपी समाचार संस्थाले जनाएको छ। सी जिनपिङले पुटिनलाई आफ्नो देशको सुरक्षा र सार्वभौमसत्ताको लागि बेइजिङको समर्थनको आश्वासन दिएका छन्।

यसमा अमेरिकाले चेतावनी दिएको छ । युद्धमा रुसको साथमा रहेका देशहरूले ‘इतिहासमा गलत पक्षलाई समर्थन गरिरहेको’ देशको रूपमा हेरिने अमेरिकाको भनाइ रहेको छ ।

अमेरिकी विदेश मन्त्रालयका प्रवक्ताले चीनले आफू तटस्थ रहेको दाबी गरे पनि अर्कोतर्फ उसको व्यवहारले रुससँगको सम्बन्धलाई गहिरो बनाउँदै लगेको स्पष्ट संकेत दिएको बताए ।

चिनियाँ भन्सार तथ्याङ्कका अनुसार रुससँगको चीनको द्विपक्षीय व्यापार अघिल्लो वर्षको तुलनामा वर्षको पहिलो त्रैमासिकमा २८ प्रतिशतले बढेको छ।

#BREAKING Xi says China to keep backing Russia on 'sovereignty and security' in Putin call: state media pic.twitter.com/qiVOvyqh0j

— AFP News Agency (@AFP) June 15, 2022