काठमाडौँ । सरकारको नेतृत्व गरिरहेको नेपाली कांग्रेसकी सांसद पार्वता डीसी चौधरीले कृषि तथा पशुपंक्षी विकासमन्त्री महिन्द्रराय यादवको आलोचना गरेकी छन् ।

प्रतिनिधिसभाको सोमबारको बैठकमा एमालेका सांसदहरूले मलको विषयमा छलफल गर्न ल्याएको स्थगन प्रस्तावमाथि छलफल गर्ने क्रममा कांग्रेस सांसद चौधरीले कृषिमन्त्री यादवमाथि आक्रोश व्यक्त गरेकी हुन् ।

चौधरीले कृषिमन्त्री जताका कारणले गर्दा कांग्रेस सभापति तथा प्रधानमन्त्री शेरबहादुर देउवाले काम गर्न नसकेको बताएकी हुन् ।

‘हिजो भर्खरको बैठकमा प्रधानमन्त्रीले भन्नुभयो यो गठबन्धनको सरकार भएको हुनाले धेरै काम भनेको जति हुन पाएन । तपाईंहरूजस्तै मन्त्री भएर हाम्रो सभापतिले काम गर्न पाउनुभएको छैन, प्रधानमन्त्रीले काम गर्न सक्नुभएको छैन,’ उनले भनिन्, ‘बेइज्जत त हाम्रै कांग्रेसलाई हुन्छ नि, नेतृत्वको त कांग्रेसको छ ।’