काठमाडौं । अश्लिल भिडियो बनाएर सामाजिक सञ्जालमा पठाउने एकजना पक्राउ परेका छन् ।

नाबालिकाको फोटो इडिट गरेर अश्लिल भिडियो बनाएर आफन्तलाई पठाएर चरित्र हत्या गरेको आरोपमा काभ्रेपलाञ्चोक धुलिखेल नगरपालिका–६ चोच्छेका २० वर्षीय विकेश सोजुँ पक्राउ परेका हुन् ।

साइबर ब्यूरोका अनुसार जिल्ला अदालत काठमाडौंबाट अनुमति लिएर उनलाई धुलिखेलबाट पक्राउ गरिएको हो । ५ दिनको म्याद थप गरेर उनलाई विद्युतीय कारोवार ऐन अन्तर्गत अनुसन्धान भइरहेको छ ।

यस्तै समाजिक सञ्जालमा फोटो दुरुपयोग गरे अपाच्य क्याप्सन राखेर चरित्र हत्या गरेको आरोपमा खोटाङ ऐसेलुखर्क गाउँपालिका–१ घर भई काठमाडौंको बालाजु बस्ने २० वर्षीय भोजकुमारी दाहाललाई बालाजुबाट पक्राउ गरिएको प्रहीले जनाएको छ । उनीमाथि पनि थप अनुसन्धान भइरहेको छ ।