काठमाडौं । संघीय संसद प्रतिनिधिसभाको बैठक आज पनि बस्दैछ ।

बिहान ११ बजे बस्ने बैठकमा विनियोजन विधेयकमाथिको छलफल जारी रहने संघीय संसदको सचिवालयले जनाएको छ ।

प्रतिनिधि सभाको बैठकमा विनियोजन विधेयक, २०७९ माथि मन्त्रालयगत विभिन्न शीर्षकहरूमा छलफल जारी छ ।

आज बस्ने प्रतिनिधि सभा बैठकमा विनियोजन विधेयकमाथि परराष्ट्र मन्त्रालय, उर्जा, जलस्रोत तथा सिंचाई मन्त्रालय र गृह मन्त्रालयको विभिन्न शिर्षकहरूमा छलफल सम्भावित कार्यसूची रहेको छ ।