काठमाडौं । जिल्ला समन्वय समिति दैलेखको प्रमुखमा कांग्रेसबाट बागी उम्मेदवार निर्वाचित भएका छन् ।

बिहीबार भएको जिससको निर्वाचनमा बागी उम्मेदवार नमराज शाही समन्वय प्रमुखमा निर्वाचित भएका हुन् ।

कांग्रेसका जिल्ला उपसभापतिसमेत रहेका शाही नेकपा एमालेको सहयोगमा समन्वय प्रमुख बनेका हुन्।

एमालेसँग भएका १० वटा मतसहित उनले १३ मत ल्याएका छन्। गठबन्धनको तर्फबाट आधिकारिक उम्मेदवार कांग्रेसकी दुर्गा श्रेष्ठले ९ मत ल्याएकी छन्।

उपप्रमुखमा एमालेका केशवबहादुर शाही ११ मतसहित निर्वाचित भएका छन्। नेकपा एकीकृत समाजवादीबाट उम्मेदवार शान्ति शाहीले १० मत प्राप्त गरे ।