काठमाडौं।  सशस्त्र प्रहरीका एक जवानले आफैंमाथि गोली प्रहार गरेका छन्।  आश्रित गुल्म सिन्धुलीमा कार्यरत जवान मदन श्रेष्ठले आफैंमाथि गोली प्रहार गरेको खुलेको छ ।

जवान श्रेष्ठको घर सिन्धुलीको रहेको खुलेको छ। उनले शुक्रबार राति  आफूले बोकेको एसएमजीबाट आफैंलाई गोली प्रहार गरेका थिए।

कमलामाई नगरपालिका–५ स्थित मुख्य निर्वाचन अधिकृतको कार्यालय सुरक्षार्थ खटिएको बेला श्रेष्ठले कार्यालयको शौचालयमा गएर आफ्नो चिउँडोमा गोली प्रहार गरेको खुलेको छ ।

जवान श्रेष्ठ सशस्त्र प्रहरीको काठमाडौं बलम्बुस्थित अस्पतालमा उपचार भइरहेको छ। उनी खतरामुक्त रहेको वताइएको छ। जवान श्रेष्ठले किन आफैंलाई गोली प्रहार गरे भन्नेबारे केही खुल्न सकेको छैन ।