काठमाडौं । तारा एयरको पोखरा–जोमसोम–पोखरा उडान एक साताका लागि स्थगित भएको छ ।

कम्पनीले बिहीबार सूचना जारि गर्दै शुक्रबारदेखि एक साताका लागि उडान स्थगित गरेको हो ।

जल तथा मौसम विज्ञान विभागले आन्तरिक उडानको ‘इनरुट’ मौसमी पूर्वानुमान गर्न नसक्ने बताएपछि बिहीबार हुने तारा एयरका सबै उडान रद्द गरिएको थियो ।

काठमाडौंबाट ५ वटा र नेपालगन्जबाट हुने ५ वटा उडानहरू रद्द गरिएको तारा एअरले जनाएको हो ।

मौसम विभागले बिहीबार सूचना जारी गर्दै नेपाल नागरिक उड्डयन प्राधिरकणले भने जस्तो आन्तरिक उडानको ‘इनरुट फोरकास्ट’ गर्न नसक्ने बताएको छ ।

यसका लागि प्रविधि र जनशक्तिको अभाव रहेको विभागको स्पष्टीकरण छ ।