काठमाडौं । मुगुमा एक प्रहरी सहायक हवल्दारको मृत्यु भएको छ ।

यार्सा संकलकहरूको सुरक्षामा मुगुम कार्मारोङ गाउँपालिका–२ मा पर्ने ठुलोकोइकी पाटनमा खटिएका प्रहरी सहायक हवल्दार राजबहादुर सिंहको मृत्यु भएको हो ।

सिंहलाई मंगलबार बिहानदेखि लेक लागेर टाउको दुख्ने तथा श्वासप्रश्वासमा समस्या देखिएको जिल्ला प्रहरी कार्यालय मुगुले जनाएको छ ।

उनलाई उपचारको लागि बुधबार नेपाली सेनाको हेलिकोप्टरबाट कोहलपुरस्थित मेडिकल कलेजमा लगिएको थियो । उनको कोहलपुर मेडिकल कलेजमा उपचारका क्रममा दिउँसो सवा २ बजे मृत्यु प्रहरीले जनाएको छ ।